Toa hitako Ianao fadiranovana aok'izany
Misento anaty, malahelo ary koa mitomany
Te hiarin-tsy tafarina ka onena dia onena.
Latsaka anaty kizo. Indrisy re ry Firenena !

Toa hitako Ianao atolaky ny onjan-drano
Te hisoroka ny loza, te hanilika ny angano
'Njao manotika tanaty, ny alahelo no tonena
Indrisy, eny, indrisy ! Indrisy re ry Firenena !

Toa hitako Ianao miandrandra famonjena
Manoloana izato Fetin'ny Fahaleovantena
Fadiranovana tokoa, maradratra sy ferena
Indrisy, eny, indrisy ! Indrisy re ry Firenena !

Toa hitako Ianao, toa hitako ry Nosy Mena,
Sadaikatra manoloana izato Fetim-pirenena.
Te hifaly, te hiravo, nefa indraika tena fanina
Mahita ireo mijaly, tsy mba manana hohanina

Frantsa, 26 jiona 2010

Antsiva
http://www.haisoratra.org/article.php3?id_article=1107