SAMPANA TILY NASIONALY
"Fa tsy nomen'Andriamanitra fanahy osa isika, fa fanahy mahery sy fitiavana ary fahononan-tena. Koa aza menatra ny ho vavolombelon'ny Tompontsika." II Timoty 1.7-8

Ho ampitomboina amintsika rehetra mandrakariva anie ny fahasoavan'i Jesoa Kristy Tompontsika.
Mankalaza ny jobily faha-100 taonan’ny skotisma eran-tany isika amin’ity taona 2007 ity ary marobe ireo fihetsehana hanamarihana izany.

Koa manasa antsika rehetra (skoto am-perin’asa, ireo tranainy rehetra ary ireo mpanohana) hiara hankalaza izany amin’ny Sampana Tily Nasionaly amin'ny fihaonambe izay ho tanterahina ny 28 - 29 avril 2007 any LYON (Saint-Martin en haut).Ny saran-dasy dia 40 €.

Ny fisoratana anarana dia amin’ny adiresy mailaka Cet e-mail est protégé contre les robots collecteurs de mails, votre navigateur doit accepter le Javascript pour le voir na jereo ny blaogy http://tilysympana.blaogy.org na antsoy koa ny 06 23 17 43 29.

Hisy ireo fanentanana skoto sahaza ny rehetra toy ny lalao ngeza, lalao skoto, afon-dasy, raki-tsary jobily, cd hira tily, sns.
Ny fandraisana ny mpandray anjara rehetra dia manomboka ny zoma 27 avril amin’ny 6 ora hariva, ny fanokafana dia ny asabotsy 28 avril amin’ny 9 ora maraina ary ny famaranana dia ny 29 avril amin'ny 3 ora folak'andro.

Dia mirary ny fahatongavantsika rehetra ary aoka hifampilaza.

Ho an’Andriamanitra irery anie ny voninahitra.

Ny filohan'ny Sampana

Hery RABEFITIA