|
Ho anao : Fisaorana tamin'ny firaisankina |
|
|
|
|
pasitera
|
Ho anao izay mpitsidika ity site ity
Ry Havana malala ao amin'ny Tompo,
Amin'ny anaran'ny fianakaviana Andriamora Besoa sy
ny fianakaviana manontolo no itondrana ny teny fisaorana aminareo
eto androany.
Misaotra an'Andriamanitra lehibe izahay ary misaotra
indrindra anareo mpiangona, mpandray anjara na mpitsidika ato
amin'ny site-n'ny Fiangonana FPMA tafo Dijon ihany koa.
Eny ry havana, tsapanay fa tsy nizaka irery ireny fotoan-tsarotra
ireny izahay fa niarahanareo nozakaina taminay izany.
Isaoranay anareo, ireo teny mamy rehetra nentinareo nampahery anay,
ny fidodododoana sy ny fahasahiranana rehetra :
nantsoina andro ianareo dia andro, nantsoina alina ianareo dia
alina, tsy nisalasala nanampy tamin'ny fikarakaràna.
Tsy nikajy fotoana ianareo nanaparitaka ny vaovao, tsy nikajy vola
aman-karena mihitsy koa ianareo fa nanao izay rehetra azo natao
tamin'izany.
Ankehitriny dia tafody soa aman-tsara any an-tanindrazana i
Rojo, ary tsara levenana ny maty koa dia mbola mamerina ny
fisaorana eram-po eran-tsaina anareo izahay.
Tsy ho voavalinay ny fitiavanareo lehibe koa Andriamanitra
manakarem-pahasoavana no angatahinay hamaly fitia anareo tsirairay
avy. Izy anie hampionona antsika rehetra ary hanamafy hatrany
ny firaisam-po izay efa napetrany ato amin'ity Fiangonana sy
site-n'ny FPMA tafo Dijon ity, mba ho voninahitry ny Anarany irery
ihany.
Misaotra tompoko.
Andriamora Niry <
Cet e-mail est protégé contre les robots collecteurs de mails, votre navigateur doit accepter le Javascript pour le voir
>
07 marsa 2007
|
